Хэнд: Монгол Улсын Их Хурлын дарга болон гишүүдэд Хаанаас: Б.Ариунзаяа Шанхай хот,Хятад улс Огноо: [2022.12.10] Миний бие Батбаярын Ариунзаяа гэр бүл бол нийгмийн үндэс, ирээдүйн тогтвортой байдлын баталгаа гэдэгт эргэлзэхгүй. Гэвч сүүлийн жилүүдэд гэр бүлийн харилцаанд гуравдагч этгээдийн хөндлөнгийн оролцоо ихэсч, үүний улмаас гэр бүл салалт, хүүхдийн эрх зөрчигдөх явдал нэмэгдэж байгаагийн улмаас энэхүү өргөдлийг бичиж байна. Өргөдлийн үндэслэл: • Гэр бүлийн харилцаанд санаатайгаар хөндлөнгөөс оролцох, зөрчил үүсгэх нь эхнэр, нөхөр төдийгүй гэр бүлийн бусад гишүүд, ялангуяа хүүхдүүдэд сэтгэлзүйн болон эдийн засгийн хохирол учруулдаг. • Олон улсын туршлагаас харахад гэр бүлийн харилцааг гуравдагч этгээдийн оролцооноос хамгаалах хууль эрх зүйн зохицуулалт хэрэгжсэнээр гэр бүл салалтын тоо буурч, нийгмийн эрүүл харилцаа сайжирсан байдаг. Иймд, Монгол Улсын Гэр бүлийн тухай хууль болон Иргэний хуульд дараах зохицуулалтуудыг тусгаж өгөхийг хүсэж байна: 1. Гуравдагч этгээдийн хариуцлага: Гэр бүлийн харилцаанд хөндлөнгөөс санаатай оролцсон тохиолдолд торгууль ногдуулах, эсвэл нөхөн төлбөр төлүүлэх. 2. Сэтгэлзүйн хохирол барагдуулах: Гэр бүлийн гишүүд, ялангуяа хүүхдүүдийн сэтгэлзүйн хохирлыг хуулиар хамгаалж, шаардлагатай тохиолдолд сэтгэлзүйн үйлчилгээ үзүүлэх. 3. Гэр бүлийн харилцааны эвлэрүүлэн зуучлах үйлчилгээ: Гэр бүлд тулгарсан асуудлыг шийдвэрлэхэд дэмжлэг үзүүлэх хууль эрх зүйн механизм бүрдүүлэх. Энэхүү хууль батлагдсанаар гэр бүлийн эв нэгдэл сайжирч, нийгэмд эерэг өөрчлөлт гарах боломжтой гэж үзэж байна. Иймд Монгол Улсын Их Хурлын гишүүд Та бүхнийг энэ асуудалд онцгой анхаарал хандуулж, шаардлагатай хууль, журмыг батлан хэрэгжүүлэхийг хичээнгүйлэн хүсэж байна. Хүндэтгэсэн, Б.Ариунзаяа 99114179 ariunzaya_bat@outlook.com